اولا: طريقة عمل الشاى
الادوات:
براد ماء
وكوبايه ولا اقولكم خلوها ماج
قليلا من السكر
حبيتين من شاى ليبتون (اكياس)
ورقتين نعناع
نار
كبريت
الطريقة:
املى براد الماء بالماء
وحطيه على النار حتى يفور (على وزن يثور)
ولما تفور الميه بقه طبعا تستنى شويه
حطى السكر فى الماج ثم اسكبى عليه الماء الحار براحه علشان النفس
ملحوظه قلبى السكر مرتين بس
حطى الشاى والنعناع بعد كده وسبيه خمس دقائق بس
ثانيا: طريقة البيض المقلى
المقادير:
ثلاث بيضات دجاج (اى نوع مش مهم)
شويه زيت (زيت قلى)
ذره من الملح
شويه فلفل اسود مطحون ( شويه صغننين )
زبدة
طاسة قلى
ملعقة للتقليب
نار
كبريت
الطريقة:
الطبخة دى محتاجه شويه مهارة عاليه وكفاءة لكن مع الوقت هتتقنيها
حطى الطاسه على النار
وبعدين شويه زيت قليلين مش القزازه كلها
وسبيها لما تصل درجه حراره الطاسه الى 45673475 درجة فهرنهايت
انتبهى جيدا الطبخة مش هتبقى مظبوطة الا مع درجة الحراره دى
لو معندكيش مقياس حرارة حطى صباعك الصغيور فى الزيت
ولو قلتى (اى) وقتها بقه هتكونى وصلتى للحرارة المطلوبه
اكسرى البيض فى طبق مقعر ثم ضعى الملح والفلفل الاسود وقلبيه جيدا
حتى يتغير لونه وتظهر الفقاعات
هنا بقه وفى اللحظه دى حطيه بسرعة فى الطاسه
وابعدى شويه عن الطاسة عشان متتعوريش
ولو اتكونت طبقة شبه صلبه من البيض اقلبيه على الوجه التانى
بسرعة واستمرى فى التقليب حتى يصبح لونه برونزى فاتح
وامسحيه بقليل من الزبدة
كيف تحصلى على ماء بارد
الادوات:
كوب فارغ
ثلاجة
الطريقة:
حطى الكوب تحت الحانفيه (الصنبور) واتركيه حتى يمتلا بالماء
اغلقى الحنفيه (الصنبور) باحكام
افتحى باب الثلاجة وضعى فيها الكوب برفق
اغلقى الباب وتاكدى انكى اغلقتيه جيدا
اتركي الكوب لمدة نصف ساعة ثم اخرجيه من الثلاجة