ماتقولش خلاص إنكتب علينا الفراق
قول خلاص معدناش نشتاق
ماتقولش نرجع تاني ونرجع أيام زمان
قول كل إللي مابينا بقى مجرد كلام
لسه بتندم على الأيام والكلام إللي إنقال
بس أنا عمري ماندم على حب عاش في قلبي من زمان .
ماتقولش الظروف هي إللي حكمت مابينا
قول إنك نسيت كل إللي مابينا
أوعى تفتكر إني حنساك وحنسى كل الحنان
بس إفتكر إنك على طول في قلبي مهما كان .
لازم ننسى بعض حتى لو كنا لسه بنحب بعض
الحب مش مجرد كلام بيتقال بالسان
الحب إحساس ومشاعر وذكريات زمان
ماتقولش نكمل مع بعضنا ونبقى عايشين في أوهام
أنا وإنت عارفين إن إحنا عمرنا ماكنا لبعض مهما كان
بس القلوب هي إللي حكمت بين الإتنين بالأشواق لا كان بإيدي ولا إيدك يحصلنا الفراق.
تقولي ننسى إللي فات ونبدأ من جديد
حقولك نبدأ صفحة مقطوعة تاني طب إيه الجديد
وعدتني إنك حتكلمني وتطمني
بس مالقتش منك غير إنك قتلتني
لأنك طول عمرك أناني بس ملكت قلبي وأحلامي
كنت بتقول كلام وتغنيه بتحسب إنك حتملك قلب وتراعيه
كنت نور عينيه وروحك حواليه بس دلوقتي إنت ولا حاجه فيه
كنت ببكي على ليالي زمان بس دلوقتي بضحك على إللي كان
سبتني مع إني عارفة إنك روحك فيه بس أنا حسيبك وإنت ولا حاجة بالنسبة ليه ......
تعرف أنا ضحيت بكل حاجة عشانك وإنت مضحتش إلا بالقليل
الثلاثاء ديسمبر 28, 2010 3:34 am من طرف SHEKO
موضوع: خاطرة من تأليفي: 
