اسفه ارفض الطلاق

[center]اسفه ارفض الطلاق
.:: اللهم صل وسلم وبارك على نبينا محمد وعلى آله وصحبه وسلم تسليما كثيرا ::.






الزواج



لالالالالالالالا
اقصد الطلاق


يوووووووووووه

لا برده مش الجواز ولا الطلاق
طيب هفهمكم
هبتدى من الاول
الحكايه بتقول ان المهندس خالد متزوج من المهندسه مها من حوالى 18 سنه
اتعرفوا على بعض فى الكليه وكانت بينهم اجمل قصة حب عرفتها كلية الهندسه




والحمد لله كان بينهم تكافؤ فى كل حاجه
وحتى كمان الاسرتين اتعرفوا ببعض واستريحوا لبعض يعنى لسه متدخلتش تراجيديا الافلام العربى
اللى بتنغص على الناس حياتها وتطلعلهم مشاكل من العدم



المهم

خالد اتجوز مها وعمل لها فرح فى قاعه جميله وجابلها شقه اجمل

بعد ما مها انجبت زياد اتفقوا انها تاخد اجازه رعاية طفل
وبعد سنه كمان جابت شهد احلى بنوته فى الدنيا

شافت مها انها تستقيل وتريح دماغها وتتفرغ لرعاية زياد وشهد
ومر عليهم 18 سنه بحلوها ومرها
اكيد شكلهم اتغير



واكيد كمان فيه طباع اتغيرت




بس مها كانت دايما عارفه ان الراجل راجل والست ست وعمرها ما اتعدت حدودها
وفضل الاحترام والثقه والحب بينهم طول السنين دى
برغم ان صاحبتها حنان كانت دايما تقولها الست الشاطره تخلى جوزها خاتم فى صباعها





ولازم تدور وراه وتفتش وراه بمعنى اصح تدبحله القطه





وتقصقص ريشه





وتهد حيله



لكن مها علشان عاقله مسمعتش كلام حنان
زياد دخل كلية الهندسه لان طول عمر خالد هو مثله الاعلى فى كل حاجه
وشهد بقت عروسه حلوه دخلت الجامعه الامريكيه قسم اقتصاد
علشان نفسها تشتغل فى بنك اجنبى
صحى خالد الصبح يوم الجمعه لقى مها محضره الفطار والشاى فى التراس
وابتسمت ابتسامتها الجميله وهى بتصحيه وبتقوله
يالله يا بابا الفطار جاهز والولاد مستنينك فاضل ساعه على صلاة الجمعه
فطر خالد ونزل هو وزياد المسجد وصلوا الجمعه
ولما رجع دخل على مها المطبخ وقالها تعالى عايزك
وفجر خالد افظع مفاجأه فى وش مها لما قالها
انا هسيبك وهسيب الولاد وهسيب البيت
افتكرته مسافر لكن هو قالها
لازم ننفصل
مش عايزه اوصف لكم شعور مها ورد فعلها
اكيد كلكوا عارفين وقع صدمه زى دى على اى ست
سألته عن السبب
انا زعلتك فى حاجه؟
قصرت معاك فى حاجه؟
قصرت فى البيت او مع الولاد فى حاجه؟
طيب فيه واحده تانيه دخلت حياتك؟
كرهتنى ومش بتحبنى؟
كانت كل اجاباته هى
لا
قالها كل المشكله انى مش سعيد
ومش عايز اعيش معاكى
ومش عايز اعيش فى البيت ده
عايز اغير حياتى كلها
انا مخنوق
تعيس
حزين
وكل حقوقك هتاخديها
الشقه هسيبهالك انتى والولاد
نفقتك هتوصلك انتى والولاد اول كل شهر
معاكى العربيه
اى طلبات ليكى هعملها
؟؟؟؟؟؟؟؟؟؟؟؟؟؟؟؟؟؟
وساب خالد البيت
طلق مها بعد 18 سنه
ساب زياد وشهد
ساب بيته وساب عشرة 18 سنه
ساب بقايا امرأه
هو ده الموضوع
السؤال هنا
تفتكروا الطلاق هو الحل لانسان او انسانه
مشكلتهم انهم خلاص مش قادرين يحسوا بالسعاده مع الشريك الآخر
ولا ايه الحل؟





.:: لا إله إلا أنت سبحانك إنى كنت من الظالمين ::.

لا اكيد الحل هو انهم يغيروا جو شوية يسفروا يعملوا اي حاجه الصراحه موضوع في الجووووووووووون ومشكور على الموضوع