ادخل وخد لك look على عجايب الــ facebook ((مع اقلام شبابيه))

ادخل وخد لك look على عجايب الــ facebook ((مع اقلام شبابيه))
.:: اللهم صل وسلم وبارك على نبينا محمد وعلى آله وصحبه وسلم تسليما كثيرا ::.




ممكن جداً تكون بتتمشى في الفيس بوك

وتلفت نظرك صورة حاجة مش غريبة عليك ،

وفي ثانية هتدرك أن الصورة دي ولا مؤاخذة يعني صورة قاعدة التواليت اللي بتشوفها كل يوم لا مؤاخذة يعني في حمام بيتكم .
. فتندهش شوية كده وتبص على اسم الجروب .
. تلاقيه بيطالبك بإنك - ولا مؤاخذة بردو - ترفع قاعدة التواليت !!
خلي بالك .. دا مش أغرب جروب هيقابلك على الفيس بوك .
. اللي يعيش ياااااااااما يشوف ، واللي يدخل الفيس بوك يشوف أكتر

وقد رصدت لكم أغرب جروبات الفيس بوك اللي ممكن تقابلها .
. وأكيد البدايه بجروب

- لا مؤاخذة يعني -

ارفع قاعدة التواليت .
. الجروب دا يا سيدي اللي عمله قال انه عمله للسبب الآتي :
" بصراحة احنا قـــــــــرفنا من كل الحمامات العامه تلاقي القاعدة فيها مش نضيفة
حتي في الأماكن المحترمه تلاقي حاجات غريبة على القاعدة
يعني أنت حتخسر أيه لو رفعت القاعده بعد ما تخلص الأجتماع المغلق الطارئ بتاعك !؟!؟! حتي علشان صحتك و الصحه العامة
بالمره يا ريت ننزل السيفوووووون مش حيدفعوك فتورة الميه و الله بليززز يعني
حتي في بيوتنا يا جماعة المفروض نرفع القاعدة
زي ما أنتوا عارفين في ناس بتحب تناقش وهي واقفة و في ناس و هي قاعدة
فلازم قاعدة المؤتمرات تبقي دايماً نضيفة "

تاني جروب شوفناه هو جروب
" اللي ورا يبعت "
واللي صاحبه بدأ وصفه بانه عايز زقة ، ايد معانا يا كابتن وأيدك معانا يا مزمازيل
وبعد كده بيتكلم عن اللي خلاه يعمل الجروب دا فقال
" اللي خانفني في عيشيتي الميكروباص والميني باص وهيئة النقل العام كلها .. السواق من دول فاكر نفسه سايق تريلا و دايس على البني آدمين ، كل همه الأجرة واللي ورا يبعت وبس .. إنما خبط مين كسر على مين هبب أيه ؟؟ مالوش هو دعوة "

هنسيب دا ونروح نشوف الجروب دا بقى

.. الجروب عنوانه
" مافيش جروب "

في الأول افتكرنا أن الجروب دا كان جروب وبعدين اتلغى
فسماه صاحبه مافيش جروب ، لكن لما دخلنا أكتشفنا أن صاحب الجروب دا " طيب جوي جوي يا خال "

واصف الجروب كالأتي

" ده جروب فاضى بيهدى الأعصاب وكل اللى بيدخلوا معرفش ليه بيتوتر وأعصابه بتبوظ ومش بيهدا خالص

ونعم الأهداف والله يا ابني .

والله الجروب دا على الأقل يبقى مريح لا رسايل كل يوم تغرق الأينبوكس ولا يحزنون .. بس تبقى مصيبة لو كان بيبعت رسايل فاضية


نسيب الجروب المريح دا بقى ونشوف جروب
" رابطة محبي اللون الازرق"
معمول ليه ؟؟
صاحب الجروب بصراحة صريح ،
وقال

أن الفكرة طقت في دماغه كده فجأة علشان لقى كل الناس بتعمل جروبات فقال اشمعنى أنا !!
فقال يعمل جروب محبي اللون الأزرق .. لو كنت منهم ما تترددش الأزرق هناك كتييييييييييرر

ولنفس السبب اللي فوق ، اللي هو
" كل الناس عملت جروب أشمعنى أنا "
اتعمل الجروب
دا
وهو بردو معمول لمجرد الرغبة في عمل جروب وأهو جروب يفوت ولا حد يموت

بعد ما شوفت بعينك قول لنا بقى إيه رأيك في الجروبات دي وأفكارها ؟؟
وايه رأيك في أن الناس بتعمل جروب لمجرد بس أن " الناس كلها عملت جروب رافعين شعار

أشمعنى أنا " ؟؟
وأيه ياترى أغرب جروب شوفته على الفيس بوك ؟؟

هو بصراحه التوبك منقول بس فكرته عجبتني طحن وفعلا انا كمان لاحظت كذا جروب بالشكل ده فانا عايزاكو تقولو رايكو بصراحه ف النوع ده من الجروبات وقابلت النوع ده انت شخصيا ولا لا؟

شكرا يا برنس على الموضوع جامد اخر حاجه